Logo Mémoires ardennaises

Merci d'avoir acheté mon livre!

 


ENREGISTREMENTS DE MARCEL JEANPIERRE


Marcel Jeanpierre sourcier radiestésiste

Marcel Jeanpierre, né en 1924,
s'exprime dans le wallon de son village,
Aisomont (Ardenne belge)

Ecoute20130903f-La chevaliere perdue (p. 158)

Ecoute20130903f-Maison sur agolina (p.166)

Ecoute20130903f-Portefeuille retrouvé dans les boules de foin (p.159)

Ecoute20130903f-Baromètre sur four à micro-ondes (p.160)

Ecoute20180528e-Recouvrement du fils Smal (p.151)

Ecoute20180528d-recouvrement de Nelly Tonus (p.374)

Marcel Jeanpierre au
Faix du Diable


ENREGISTREMENTS RETRANSCRITS INTEGRALEMENT

 

Ecoute20180528f-homme_de_Chiny

C'è-st-assé dire… C'è-st-on-ome ki m' tèlèfone, ku s' papa [n']èsteût nin rintré à… Su fème èsteût décédée, anfin ç't-ome-là. Èt tos lès djoûs à non.ne, i montéve è l'èglîhe ou â cim'tiére, tos lès djoûrs… Èt i-n-aveût sûr'mint ou k' cint mètes ou deûs-cints mètes [à faire], dju n' sé nin… Èt on djoû, [le fils] i m' tèlèfone [pour dire qu'on ne retrouvait plus son papa]. Èt dj' lî dit :
- " Vosse papa, il a fêt ût' noûf cints mètes èt il èst bin…
- O nèni, don, di-st-i ! I n' sé nin roter ! C'è-st-impossibe !
- Oho !
- Nèni ! On a tèlèfoné…
(dju n' va nin l' dire... [il ne faut pas le citer]) à on-ôte radièstésisse. Il a dit k'il èsteût an trin d' magni amon dès djins, djondant… Èt ku d'vins one eûre ou deûs sèreût rintré… "
Mês à l' nut?, n'èsteût nin rintré ! On m' rutèlèfone…. Dju di :
- " Nèni, il a stou an ligne dreûte èt il a fêt noûf cints mètes !
- Ho ! C'è-st-impossibe ! Mu papa n' sé nin roter !
- Oho ! Dju n' vos dîreû djà k' çoulà, mi ! "

Lu lan.n'min, on côpeûr âs bwès, k'èsteût o s' bwès d' sapins (i soyéve âs bwès…) Il arète su tronçonneuse èt 'l oyéve djèmi ! " Bè, k'ôt-on là ? " di-st-i ! Èt c'èsteût l' papa, k'èsteût toumé d'vins one rigole, avou d' l'êwe duzos, lu (lu pé d' tot !). I pinsint k'èsteût mwèrt, hin, zèls ! Lu lan.n'min… Èt c'èst lu-minme, k'a tèlèfoné, sûr'mint avou l' GSM do... do ci ki côpéve âs bwès, à l' famille… C'èsteût on… tu t' figures !? Alé fé noûf cints mètes èt [on disait :]"i n' saveût pus roter"…
Èt
[c'èsteût] à Chiny - dju veû co, hin, mi - dju n' dîreû dj' s'il èsteût facteûr ou quoi mês dj'aveû stou, à Chiny, i m' kunohint bin. Èt pwis i m'avint raconté ç't-afêre… Èt pwis : " Vos-avîz tot l'minme rêzon !... " I 'nnè rum'nint nin, hin !... Mês l'ôte k'aveût dit : " Il è-st-an trin d' magni… " Zèls i s'avint dit : "I va rintrer, hin ! " Mès i n'èsteût nin rintré, noste ome… "

 

Ecoute20180528g-coup_de_foudre-01

" Aha ! Cwand dj'a stou pèté du l' tonîre !? C'èsteût l' prumî côp k' dj'avins… On aléve moûde avou lu dj'vô èt one tchèrète, là… Èt lu tonîre touma… tot près… Dju fouri èvôye êrî du l' tchèrète, lu dj'vô pèta â diâle ! I rum'na… Èt lès bid[ons] d' lècê, [dju] n' lès r'trovins pus ! C'èst l' prumî côp, çoulà.
[Une femme passe, au loin, visible par la fenêtre] " Bondjoû, madame ! " Oh, dj' lî fê signe, mi ! Dj' nu l' kuno nin [rires] Dj' pinse k' c'èst l' vwèzène…

Deûzîme côp, dj'avins stou fèner - dj'î a bin stou treûs côps, sés? ! - dj'avins stou fèner, l' deûzîme côp, avou lu dj'vô pace ku dj'aveû aband'né lu dj'vô o tchamp,[à] fwèce k'il aveût craké deûs côps. Èt l' tonîre touma tot près d' mu dj'vô, là. Èt mi, co parèy, dju fouri r'bouté câhi à l' tère, pwis lu dj'vô adaday adaday duvant mi, hin ! Èt mi, dj' n'âreû…

Mês l' treûzîme côp, c'èsteût avou m' fème. Ç'èst ça dj'a avou l' pus? du mal à… Â meûs d' sètimbe, dj'avins stou kî dès crompîres au Grand-Duché d' Luxembourg. Meûs d' sètimbe, hin. Sètimbe, octôbe, va !... [Il était donc tard pour aller traire] Èt v'là tot d'on côp, on était en train… an moto, ti ! An moto ! An moto èt on aléve moûde an moto, nos-ôtes. On mètéve sîh ou ût? bidons po-drî nosse moto ! On grosse moto cink-cints. Ça fêt, dj'ariva o tchamp. Y'a t[ot-] on brouillard k'arive. On s' mèt d'zos [ ?] po moûde lès vatches… On côp d' tonîre â bouhon à treûs cwate cin… treûs cwate mètes du nos-ôtes ! [Je pensais] ku m' fème èsteût touwé mês 'lle èsteût à l' tère ! Èt nos n' trovins pus les sèyês ! Dju r' potchins so l' moto sins moûde lès vatches èt dj'avans ruv'ni volà, sés'!
Mês là, on a avou sogne, hin ! Â meûs d' sètimbe, octôbe… C'èsteût au mois d'octôbe… Ça fêt, âhimint ku dj' so électrifié… avou tot… lu tonîre, c'èst po çoulà !...

- Èt k' èst-ce k'on r'sint come çoulà cwand k'on-z-èst [bouhi du l' tonîre]... k'on r'çût on côp d'aloumîre ?
- A mês ku vous' è(s)tinde ? Dj'âreû moussi d'vins on trô d' foyon, hin, mi ! "

 

Ecoute20180528h-coup_de_foudre-02

" Mi, dj'èsteû djône ome, lu prumî côp, dj'aveû stou moûde, mi… Avou l' tchèrète èt lu dj'vô, come on moûdéve… Èt l' tonîre touma so l' balièdje à kékes mètes du l' bârîre, lu dj'vô â diâle ! Èt mi, dju fouri hoy djus du l' tchèrète ! Dju n' sé nin, ou bin dj'èsteû… Èt lu dj'vô… Èt n'aveût pus do lècê cwand dj' ruv'na, tu comprinds bin ! Lu dj'vô aveût ruv'ni tot seû, lu… Awè, hin ! C'èst come ça ! Lu pus grande peur de ta vie, tu l'attrapes là, hin, m' fi !...

Tu vous saveûr lu deûzîme côp, come à ça a alé ?...
A. Lu deûzîme côp.


Dju fènins lâvâ - c'èsteût â "Tchamp dès Hés", k'on dit - avou Djôzèf Klein et compagnie -
pauvre homme qui est décédé - èt nos-avint stou êder fèner… Èt mi dju di : " Dj'ènnè r'va pace ku… ou aloz-r'z'è avant " Dju n' sé nin k'mint i 'nnè ralint…I-z-èstint rèvôy d'vant mi. Mi, dj'èsteû avou lu dj'vô, sins tchèrdji l' foûre, pace ku… i crakéve. Èt l' pé d' tot, c'èst ku l' tonîre touma à kékes mètes du mu dj'vô, lu dj' vô purda lu poude d'escampette. Èt mi, co todi parèy, dju ruv'na volà tot… tot fou. Èt lu dj'vô èsteût volà d'vant mi, mês…Dj'aveû du l' chance ku dj' n' nos-avins nin fé touwé. Èt c'èst come çoulà k'on attrape la peur de sa vie avou dès walés d' tonîre. Mês t'âreûs dit vèy ku l' tonîre mu sûhéve come dju n' sé cwè, hin ! Dju n' sé nin…

- K'èst-ce k'on r'sint, cwand k'on r'çût on…[côp d' tonîre] ?
- (…) C'est l' sogne, hin !

- On n'èst nin pus nièrveûs ?N' sé nin mi...
A siya, hin ! Tu… tu pinses ku tu n' vik'rès pus d'vins dî minutes, hin ! Tu n' sés pus çou k' t'ès, tu n' sés pus çou k' tu fês, tu t' dumandes si tu d'vins sot ! T' sés, dj' so djà sot d'avance, mi, c'èst co pé, sés? !
[rires]

- Adon l' treûzîme côp ?
- A bin c'èsteût cwand k'on aveût stou au Grand-Duché, l' treûzîme côp, hin !
Dj'avins stou â Grand-Duché, âs comprîres (tu sés çou k' c'èst dès crompîres : des pommes de terre, en français (…) avou Volville
[?] k'èst décédé, m' cuzin k'èst décédé - c'èst vî, sés'!, çoulà !-, an moto. Èt on va moûde. Èt v'là on brouillard, on brouillard… " Bin nondidjou ké brouillard ! " Awè, ti ! Aveût one walé d' tonîre. Peeeeeng ! Mu fème su r'trouva l' cou à l' tère avou lès sèyês pus lon ! Èt mi avou ! Èt pwis : " Nos n' moûdans nin lès vatches, sés? ! " Et on ruv'na… sins moûde ! Mais là ça a été l' pus grande peur de ma vie ! Dj'aveû pinsé ku m' fème aveût stou touwé, mi, là !... Èt volà çou k' c'èst du l' tonîre, veûs?…A…"

 

Ecoute20180528i-électrocution

(…) An cwarante-cwate. Dj'èstins… On aveût ruv'ni avou m' fré à l' cinse ki… lu novèle cinse… lu cinse du mès vwèzins.. . Èt c'è-st-one vîhe cinse… On-z-èsteût o stâve.
-
[Le frère de Marcel] " Gn-a moutwèt co du l' loumîre…
- Tès fou, ti ? ", di-dj' mi !
Èt dju trova on chôse, - kumint èst-ce k'on dit ?- (…)one baladeuse,… Èt mi dju tchôke lu baladeuse duvins l' prîse : gn-aveût mildiu do corant, ti ! Mès, valèt, su m' fré n'èsteût nin là, dj'èsteû touwé so plèce ! Dju coréve come on fou dî mètes, vint mètes… Gn-aveût do corant, hin ! Kumint gn-aveût-i co do corant ? Dj' n'è sé rin ! Mès gn-aveût co do corant … Èt ça c'était… des bêtises comme ça,on 'nnè fêt k'on 'nnè sét rin… avou des baladeuses ki n' valèt pus rin !...

Èt à ç' moumint là, vos-av' laché l'afêre ou bin vos-av' sutou [hoy]…
Ah mès dju t'néve...

… vos-av' tronlé come çoulà ?…
Tu… tu n' lach'reûs djà pus rin, hin, valèt ! Cwand t'è-st-élèctrocuté come ça, tu sins todi lu corant d' pus?. Tu pinses ku tu vas mori so plèce ! (…) Su m' fré n'aveût nin stou là, mi, dj'èsteû liquidé, hin ! "

 

 

Page d'accueil


©Jean-Philippe Legrand - Mémoires ardennaises